ग्रामपंचायत कर्ला, ता. रत्नागिरी, जि. रत्नागिरी.

कर्ला गाव हा शहरापासून ३ किलो मिटर अंतरावर आहे. गावामध्ये हिंदू व मुस्लीम अशा दोन समाजाचे लोक एकत्र राहतात गावाचे क्षेत्रफळ हे कमी असून लोक दाटी वाटीने राहतात गावाला तिन्ही बाजूने पाणी आहे. गावाच्या पलीकडे ग्रुप ग्रामपंचायत कर्ला कार्यक्षेत्रातील जुवे गाव असून ते गाव एक बेट असे असून त्याला चारही बाजूने पाणी आहे. या गावात गणपती मंदिर दत्तमंदिर आहे गावात दत्तजयंती उत्सव मोठ्या उत्साहाने साजरा केला जातो. जुवे गाव निसर्गाचे विविधतेने नटलेले असून येथील उत्सव व सण साजरे करण्यासाठी पर्यटक आवर्जून येतात.

कर्ला मुस्लिमवाडी या गावाला खाडी किनारा लागला असून गावातील व्यवसाय प्रामुख्याने मच्छीमारी आहे. तसेच कर्ला गावात निसर्गरम्य स्थळ असल्याने देशभरातून लोक गावाला भेट देण्यासाठी येत असतात. गावातील पर्यटकांसाठी बोटीने फिरण्याची देखील व्यवस्था आहे. गावात मस्जिद तसेच मंदिरे आहेत. कर्ला गाव हे पर्यटनाच्या दृष्टीने सुंदर असे गाव आहे. गावामध्ये शिवकालीन तलावे आहेत.